سارة في الموسم الأول لكرسي الاعتراف

كرسي الاعتراف بالشكل الجديد وخلاص الكل أختار

Sara MoStaFa

أولا : أهلا وسهلا بيكي عالكرسي

ثانيا : يا ريت ترددي قسم الكرسي قبل طرح الأسئلة

سارة في الموسم الأول لكرسي الاعتراف Korsi

سارة في الموسم الأول لكرسي الاعتراف Korsi

يالا نبدأ طرح الأسئلة

والموسم الاول هينتهي يوم 26

شكرا انتو مش قلتو يوم يوم الاتننين
عموما انا مستعده
والله العظيم اقول الحق ولا شئ غير الحق
مين هيبدا

موضوع: ابدأ أنا السبت أكتوبر 18, 2008 11:13 pm

يا ريت تكملي البطاقة الشخصية عشان الكل يعرف انتي مين

الأسم :
السن :
الكلية :
الفرقة :
المحافظة :

الأسم : ساره مصطفى محمود
السن : 22 سنه
الكلية : الهندسه
الفرقة : خلاص خلصت
المحافظة : الفيوم

دي اسئلة ضياء جبتها هنا

هل انتي بتتقبلي النقد ولا التشجيع اكتر ؟؟؟؟؟

بص انا بأقبل النقد بس اللي يكون بشويش يعني مش بحب حد يزعق لي وهو بينقدني او انه ينقدني قدام حد
والتشجيع بيجيب معايا نتيجه جامده قوي

و ليه طيب ؟؟؟؟؟؟؟

مش عارفه بس التشجيع غالبا بيرفع من روحك المعنويه وبيخليك تعمل احسن النقد ساعات بيضايقك شويه وبعدين ترجع تبقى احسن

ممكن نشوف بطاقتك الشخصية ؟؟؟؟؟؟؟

الاسم ساره مصطفى محمود
السن 22 سنه
الحاله الاجتماعيه انسه
الوظيفه لسه بأدور ربنا يسهل
بنت وحيده وعندي اربع اخوات اولاد وانا في النص كمان

يعني ايه هندسة في فكر سارة ؟؟؟؟

هندسه يعني نظام يعني تخطيط واني ادرس كل حاجه قبل ما اعملها واحسبها صح

و يعني ايه حياة ؟؟؟؟؟؟

الحياه يعني اني اعمل كل حاجه وانا شايفه ربنا قدامي عشان تبقى صح وتبقى حلوة

و يعني ايه امومة ؟؟؟؟؟ علي الرغم انك ممكن لسة ما حسيتيهاش ؟؟؟ بس من والدتك مثلا ؟؟؟؟؟؟؟

الامومه احساس جميل كل اصحابي اصلا بيقولو لي اني مامتهم المومه يعني حنان احتواء انك تلاقي صدر تبكي عليه لما تغلط ميعاتبكش يوجهك بس بهدوء يعني حاجات كتير قوي

كمان
يعني ايه معني و يعني ايه مادة ؟؟؟؟؟؟؟

يعني ايه معنى مش فاهمه ومش عارفه اجاوب
يعني ايه ماده يعني حاجه بادرسها وعايزه اتفوق فيها

يعني ايه عقل و يعني ايه قلب ؟؟؟؟؟؟؟

العقل اللي بيفكر والقلب اللي بيحس وعشان تعيش صح لازم تشغل الاتنين مع بعض محدش فيهم بس اللي يحكم وده مش عند بنات كتير

يعني ايه عاطفة و يعني ايه جمود او برود ؟؟؟؟؟

العاطفه يعني احساسك باللي قدامك حتى بدون ما يتكلم والجمود هو انك مهما كان الموقف قدامك مش بتحس ومش بتتأثر قلبك حجر يعني

المعاني دي بتفرق معايا كتير يا ريت تجاوبي
و فرصة سعيدة جداااااااااااا

انا اسعد والله وياريت اكون قدرت اوضح وجهة نظري

منورة الكرسي الجديد

منور بأصحابه ويارب اكون خفيفه عليه

الموضوع اتفتح يا جماعة و اللي عايز يسأل أي حاجة يسأل

ghjnghmg

waiting.............................

هسالك عن صحباتك اوصفيهم ؟ولو ينفع تقولي اسماهم ؟
مين اكتر بنت اول ما شفتيها حبتيها ؟
مين البنت اللي بتحبي تشوفيها سعيده ؟
هل جربتي انك اعجبتي بحد ؟ طيب مين ؟ ولد ولا بنت ؟
مين اكتر الدكاتره حبيتيهم ؟
لو حد سالك عن قسمك هتقولي ايه؟
ايه اكتر اكله بتحبيها ؟
مين بتحسي انها قربت منك وانتي قربتي ليها في اقل وقت ؟
بتدوري علي شغل ولا لا ؟ عايزه تشتغلي فين ؟
مين اقربلك باباكي ولا مامتك ؟ وليه ؟
بعد التخرج حسه بايه ؟
لو قولنالك انك هترجعي تدرسي تاني هتحسي بايه ؟ ايه هتعمليه حاسه انك المفروض كان حصل قبل كده ؟ هتعملي ايه ؟ هتتصرفي ازاي ؟ تفكيرك هيختلف اكيد ايه المجالات اللي هيختلف فيها تفكيرك ؟
انت لما بتكوني مضايقه بتعملي ايه ؟

كفايه عليكي كده

يعني ايه معني و يعني ايه مادة ؟؟؟؟؟؟؟

يعني ايه معنى مش فاهمه ومش عارفه اجاوب
يعني ايه ماده يعني حاجه بادرسها وعايزه اتفوق فيها

لا انا مش قصدي كدا خاااااااااااالص
اقصد المعني يعني قيمة الشئ المعنوية
و المادة
قيمته المادية

هسالك عن صحباتك اوصفيهم ؟ولو ينفع تقولي اسماهم ؟

صحباتي المقربين اربعه
سماح مخلصه ووفيه وبت جدعه شبهي في حاجات كتير وبنفهم بعض كويس بتبان جامده وقويه بي هي ضعيفه جدا
فاطمه حنينه وجريئه وبتفكر بمشاعرها
علياء عمليه جدا بس حنينه ورقيقه
تقوى بتفكر بالاتنين دماغها ومشاعرها بتبان جامده من بره بس جواها بسكوته رقيقه قوي

مين اكتر بنت اول ما شفتيها حبتيها ؟

شيماء زميلتي ربنا يرحمها

مين البنت اللي بتحبي تشوفيها سعيده ؟

كل اصحابي وكل اللي بحبهم

هل جربتي انك اعجبتي بحد ؟ طيب مين ؟ ولد ولا بنت ؟

اكيد طبعا اعجبت بشخصيات كتير من اصحابي وعشان كده احنا بنكمل بعض عشان كل واحده فينا فيها حاجه مش في التانيه

مين اكتر الدكاتره حبيتيهم ؟

دكتور سامي البدوي ودكتور حازم شرف الدين ودكتور جمال بيومي

لو حد سالك عن قسمك هتقولي ايه؟

قسم مهم جدا جدا وهو اساس حاجات كتير في حياتنا وقسم دراسته ممتعه

ايه اكتر اكله بتحبيها ؟

الكشري

مين بتحسي انها قربت منك وانتي قربتي ليها في اقل وقت ؟

تقوى

بتدوري علي شغل ولا لا ؟ عايزه تشتغلي فين ؟

بادور طبعا بس لسه مش لقيت
نفسي اشتغل في مكتب هندسي عشان اطبق اللي اتعلمته في مشروع التخرج بتاعي

مين اقربلك باباكي ولا مامتك ؟ وليه ؟

ماما
لانها بتتفهم اكتر من بابا

بعد التخرج حسه بايه ؟

حاسه باني نفسي اكمل دراسه تاني واني عايزه ابقى حاجه انفع بيها الاسلام والمسلمين

لو قولنالك انك هترجعي تدرسي تاني هتحسي بايه ؟

هفرح جدا

ايه هتعمليه

هأجهز نفسي ع طول

حاسه انك المفروض كا نحصل قبل كده ؟

مش فاهمه

هتعملي ايه ؟ هتتصرفي ازاي ؟

اكيد هذاكر كويس وهتصرف زي ماكنت باتصرف

تفكيرك هيختلف اكيد ايه المجالات اللي هيختلف فيها تفكيرك ؟

اني هادخل قسم مدني بدل كهربا اللي بحبها عشان هو اكتر قسم بيلاقي شغل دلوقتي

انت لما بتكوني مضايقه بتعملي ايه ؟

في حاجات كتير
باقرا قران او اصلي
اتصل بواحده صاحبتي احكي لها وافضفض معاها
او اطلع ورقه وقلم وافضفض مع نفسي

كفايه عليكي كده

ولا يهمك

dido كتب:: يعني ايه معني و يعني ايه مادة ؟؟؟؟؟؟؟

يعني ايه معنى مش فاهمه ومش عارفه اجاوب
يعني ايه ماده يعني حاجه بادرسها وعايزه اتفوق فيها

لا انا مش قصدي كدا خاااااااااااالص
اقصد المعني يعني قيمة الشئ المعنوية
و المادة
قيمته المادية

سوري مفهمتهش قصدك
ماشي بص هوضحها لك في مثال
لو واحده صاحبتي جابنت لي ورده بلدي حمرا في يوم ميلادي هفرح بيها جدا ليه
لان ده معناها انها عارفه انا بحب ايه وكمان انها فاكراني
وقيمتها الماديه هتكون قليله بس مش ده المهم انا المهم عندي المعنى اللي وصلني فهمتني
على عكس لو واحده تانيه جابت لي مثلا حاجه غاليه جدا بس لمجرد اني اقول انها غاليه وانها بتقدرني وهحنط الحاجه دي ولا هستفيد منها ولا هتمثل لي حاجه

ASA كتب:: الموضوع اتفتح يا جماعة و اللي عايز يسأل أي حاجة يسأل

صورة مين ده مش قولتلك متظهرش فى وسائل إعلام تانى
انت طالق طالق طالق
بالتلاتــــــــــــــــــــــة

نتصحبي الاصغر منك ؟
لقيتي حد من الاصغر منك بيفهمك ؟ حسه انه حد كويس ؟ وليه ؟
بتحبي الاطفال الاولاد ولا البنات وليه ؟
عايزه اسم اولادك في المستقبل ايه ؟
طموحك واصله لفين ؟
ازاي بتحكمي علي الناس ؟
ايه شخصيه البنت اللي تعجبك ؟ ايه شخصيه الولد اللي تعجبك ؟

نتصحبي الاصغر منك ؟

انا عندي صحبات اصغر مني وعندي صاحبات اكبر مني

لقيتي حد من الاصغر منك بيفهمك ؟ حسه انه حد كويس ؟ وليه ؟

اه لقيت
وهي كويسه جدا جدا
مخها كبير وبتفكر كويس وع فكره هي اصغر مني بثلاث سنين بس تفكيرها كويس قوي سابق سنها

بتحبي الاطفال الاولاد ولا البنات وليه ؟

بموووووووووووووووت في الاطفال عموما بس البنات اكتر
بحب لبسهم وبحب دلعهم كده يعني

عايزه اسم اولادك في المستقبل ايه ؟

الولد محمد والبنت اروى

طموحك واصله لفين ؟

ان شاء الله لغاية ما توصلني للجنه

ازاي بتحكمي علي الناس ؟

من تعاملهم ومواقفهم

ايه شخصيه البنت اللي تعجبك ؟ ايه شخصيه الولد اللي تعجبك ؟

بتعجبني البنت الناضجه اللي بتفكر كويس وعندها هدف ومش هايفه
الولد يكون راجل ومحترم ورزين ودمه خفيف في نفس الوقت وطموح كفايه كده

اه لقيت
وهي كويسه جدا جدا
مخها كبير وبتفكر كويس وع فكره هي اصغر مني بثلاث سنين بس تفكيرها كويس قوي سابق سنها

ممكن نعرف اسمها ؟
هي معانا علي المنتدي ولا لا؟
في قسم ايه ؟
بالنسبه ليكي انتي ايه اكتر حاجه بتفرحك واكتر حاجه بتالمك ؟

يا جماعة ألحقوا أسألوا شمس هتخلص كل الاسئلة ومش هنلاقى حاجة نسألها بعد كده ونقعد فى بيوتنا أو فى أى قهوة ولو زهقنا نقعد على أى قهوة تانية أو شاى حسب ما نلاقى
بس بجد مش معاكسة شمـــــــــــــس نورت المنتدى بتاعنا بعد ما كنا بنستخدم الكشافات علشان ننوره

لأ يا جماعة أوعى حد يفهمنى غلط أنا أصلاً دماغى مش فيا أنهارده كل اللى على المنتدى منوريين والله بس يعنى ده كلمتين رشوة علشان تخلى أصحابها يشتركوا على المنتدى

شكلى خبط تانى يا جماعة حد يرمينى من فوق المنتدى أنهارده هبوظ المنتدى أنا دماغى مفوتة أنهارده

سنعود بعد قليل

sara mostafa كتب:

dido كتب:: يعني ايه معني و يعني ايه مادة ؟؟؟؟؟؟؟

يعني ايه معنى مش فاهمه ومش عارفه اجاوب
يعني ايه ماده يعني حاجه بادرسها وعايزه اتفوق فيها

لا انا مش قصدي كدا خاااااااااااالص
اقصد المعني يعني قيمة الشئ المعنوية
و المادة
قيمته المادية

سوري مفهمتهش قصدك
ماشي بص هوضحها لك في مثال
لو واحده صاحبتي جابنت لي ورده بلدي حمرا في يوم ميلادي هفرح بيها جدا ليه
لان ده معناها انها عارفه انا بحب ايه وكمان انها فاكراني
وقيمتها الماديه هتكون قليله بس مش ده المهم انا المهم عندي المعنى اللي وصلني فهمتني
على عكس لو واحده تانيه جابت لي مثلا حاجه غاليه جدا بس لمجرد اني اقول انها غاليه وانها بتقدرني وهحنط الحاجه دي ولا هستفيد منها ولا هتمثل لي حاجه

غالبا كدا بالظبط

مين قال يا عم ان دماغك مفوتة و انت دماغك ما بتفوتش

شمس كتب:: اه لقيت
وهي كويسه جدا جدا
مخها كبير وبتفكر كويس وع فكره هي اصغر مني بثلاث سنين بس تفكيرها كويس قوي سابق سنها

ممكن نعرف اسمها ؟
هي معانا علي المنتدي ولا لا؟
في قسم ايه ؟
بالنسبه ليكي انتي ايه اكتر حاجه بتفرحك واكتر حاجه بتالمك ؟

هي اسمها داليا
مش معانا هنا ع المنتدى وفي قسم كهربا برضه
اكتر حاجه بتفرحني اني اقدر اسعد حد واني ارضي بابا وماما
اكتر حاجه بتالمك اني اشوف حد بحبح تعبان او زعلان ومش في ايدي اعمله حاجه

يعني ضياء وكولوبالي دختو بس عشان تهرجو مفيش سؤال
شكرااااااااااا

sara mostafa كتب:: يعني ضياء وكولوبالي دختو بس عشان تهرجو مفيش سؤال
شكرااااااااااا

حاضر بس ياجي سؤال علي بالي
نفسي اسأل سؤال متجابيش عليه هههههههههههههه
و لا انتي ايه رأيك ؟؟

dido كتب:

sara mostafa كتب:: يعني ضياء وكولوبالي دختو بس عشان تهرجو مفيش سؤال
شكرااااااااااا

حاضر بس ياجي سؤال علي بالي
نفسي اسأل سؤال متجابيش عليه هههههههههههههه
و لا انتي ايه رأيك ؟؟

بس كده انت تأمر اسأل سؤال جامد وانا مااجاوبش عليه هههههههههههههه

ده سؤال semsem_eng2007

وصفي نفسك ( شخصيتك ، احلامك ، مواهبك ) ؟ يعني خلينا نشوفك

شخصيتي صعب ان حد يوصف نفسه
احلامي كبتيره جدا
نفسي اشتغل في المجال اللي بحبه وابدع فيه
نفسي اكون اسره واربي اولادي تربيه صحيحه ربنا يرضى بيها عنهم وعني
نفسي اكون سبب في نجاح افراد اسرتي
نفسي اسعد كل اللي حواليا وما اشوفش حد فيهم زعلان ابدا
واخيرا نفسي اشوف العالم الاسلامي بدون حروب ودمار

مواهبي
بحب اكتب قوي وكتير بيقولولي ان اسلوبي ادبي بس محتاج تنميه
اسريعة التعلم يعني انت اعمل اي حاجه قدامي وانا في ثواني القطها واعملها
بس

انتي جاوبتي على سؤال الواد لييييييييييييييييييييه
ده عامل فيها واد جامد و مش عايز يكتب الأسئلة هنا
بس أنا هخليه ميكتبش غير هنااااااااااااااااا

hksjdsjh