عشان انت مصرى لازم تعانى

لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعىتصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انتمصرى العذاب بيناديك
بتبدا فى يومك حاجات بترازيك
فى نومك فى قومك تعكننعليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلكحتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلككومه ورق
ده غير دمغه ضايعه وملف اتسرق
وفى كام مواطن عامللك قلق
بيشكىتقول له روح اندعق
وعركه وهوجه وشاى اندلق
ومخك خلاص من الصداعاتفلق
هترجع لبيتك دهلو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالكبتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انتمصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسىالكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

سورى يا جماعه بس بجد دى صوره حقيقيه

اه هو إنتوا ناويين تحبسونا بجد بقى

خلى بالكم

أنا من أول قلم هعترف بكل حاجة

وهقول المالك الفعلى للمنتدى نادوا وسوكا

أنا مليش دعوة مش هضرب لوحدى

وكمان هقول أبو سالى هو اللى عامل نفسه بلطجى وبيخبط برضو

يا رب يخدوه

وهقول كمان إن هيثم مختفى علشان بيحضر للعملية الجاية

هقر بكل حاجة

بس تسلم أيدك يا ندى

وااااااااااااو ايه القصيدة الرقيقة دي