كولوبالي على كرسي الاعتراف

semsem_eng2007 كتب:: كولوبالي
جااااااااااااااوب

1. فرضا اخترت شريكه حياتك وأهلك مش وافقوا هتعمل ايه ؟
هفكر أقنعم إزاى طالما اللى إخترتها كويسة بس مظنش إنى هسيبها وبرضو مش هزعل أهلى
يعنى لو موافقوش إنهارده يوافقوا بكره
2. لو حد صاحبك قالك انا شايف فيك صفه معينه وحشه وانت شايف انها مش وحشه هتعمل ايه ؟
أنا أحسن واحد يسمع الكلام ولو ميلزمنيش برميه بس بحترم اللى قدامى بس طالما أنا واثق فى نفسى
يبقى الكلام فى الحالة ده ملوش لزمة
3. استعجلت قبل كده في قرار اخدته ؟ وماتقوليش مافيش
أى حد لازم بيغلط كتييييييييير وأكيد أنا غلط بس مظنش إن أى إستعجال ليا زعلت جداً عليه
علشان أكيد هيكون لحاجة عادية بس الامور المهمة بفكر فيها كتييييييير
4. لو غلطت في حد هتعتذر إزاي ؟
هروح أهزر معاه شوية وأقوله أنا متأسف
5. لو خرجت من البيت وانت في قلب المدرج لقيت نفسك لابس شراب فرده وفردههتعمل ايه ؟
كويس إنها جت فى الشراب مجتش فى حاجة تانية بس عادى هكمل اليوم ومحدش هيلاحظ إن شاء الله
6. لو الشخص اللي اخترته يكمل معاك قالك انا آسف مش هقدر ارتبط بيط هيكون تصرفك إزاي ؟ بمعني كان مرتبط من قبليك او مش بيفكر في الارتباط دلوقتي او انت مش عاجبها
يا بسام أنا مش بحب أحب حد يكون مش بيحبنى يعنى لو أنا بحبه جداً كده وهو قالى كده هنسى الموضوع وكأن شيئاً لم يكن
7. مين اكتر حد بيفهمك ؟ لو السؤال مكرر ممكن نقول مين اكتر حد بتحكيله همومك او اي حاجه تحصل ليك وعاوز رأيه فيها
السؤال مكرر وأنا كده هتغاظ منك
هو فى حد دلوقت بيفهمنى جداً
وفى حد تانى فى الطريق إنه يفهمنى وهيوصل قريب
وبلاش أسماء

كده سبعه برضه
اي خدعه

sara mostafa كتب:: السلام عليكم ورحمة الله
معلش اتأخرت عليك
ولا يهمك ده إنتى نورتينا
وعشان اعوض تأخيري جيت لك
بسباعيتين
وأنا جاهز

ماهو أخر كتاب قرأته؟
لو كتاب تسلية يبقى سلسلة رجل المستحيل
لو كتاب للعلم يبقى كتاب فى الماتلاب
ماهي حكمتك بالحياة؟
واثق فى ربى وواثق فى نفسى وماشى على طريق هدفى ومش بحب أسمع كلمة توقفنى
هل تجامل على حساب نفسك و صداقاتك
على حساب نفسى مش بجامل حد ولا حتى صداقاتى ومش بحب المجاملة أصلاً
أنا مش بمدح حد إلا لما يكون هو كويس فى الحقيقة
مالذي أستفدت من الأنترنت ؟
ييووووووووووه كتييييييييير أولاً إدانى خبرة أكتر فى التعامل مع الكمبيوتر
خلانى متصل بأصحابى 24 ساعة
عرفت أجيب أى معلومة فى أى وقت
أعرف أى أخبار فى ثوانى
أنزل كتب
من اقرب الاعاضاء اليك او تحس انه قريب من شخصيتك؟
asa & the jakal
إخواتى بس أكيد برضو فى إختلاف فى الشخصية

شئ تفكر فيه في الفترة الحاليه..او بمعنى اصح مسئله صعبه في هذه الفتره تحاول تتخذ فيها قرار؟
خلاص إتخذت القرار السؤال ده كان يجى متأخر شوية بس الحمد لله إتخذت القرار
في ايدك 3 وردات لمن تهديها؟
1- لأمى
2- لحبيبتى
3- لوالدة حبيبتى
من هو العضو الذي تسعد بوجوده في المنتدى ؟وعضو ترتاح بوجوده في المنتدى
العضو اللى بسعد بوجوده فى المنتدى the jakal
برتاح لوجود بسام
عضو سعدت بتعارف عليه في المنتدى؟
sara mustafa
موقف ابكاك واخر اسعدك ؟
مش ببكى إلا لما الموضوع يشد أوى يعنى بشيل فى نفسى كتييييييير ومش فاكر موقف إنى بكيت بجد
اللى أسعدنى نتيجة الثانوية العامة وموقف تانى أسعدنى أكتر وكان محسسنى كإنى طاير بس مش لاوم أحكيه
هل رخمت علي حد وزعل قبل كده؟
لازم أكون رخمت على حد ولازم برضه يكون زعل بس بقعد شوية وبعد كده بعتزرله
وأصالحه

لو زعلت حد ممكن تتأسف له ولا ما بتحبش تتأسف لحد؟
أنا مش فارقة معايا أتأسف لأى حد ولد أو بنت طالما أنا اللى غلطان
بس لو مش غلطان مش بتأسف

عمرك اتحرجت من بنت؟ احكي الموقف لو حصل
متحرجتش من بنت قبل كده الحمد لله
ربنا يكفينا شرهم

بتحلم تشوف نفسك ايه ؟
بحلم أشوف نفسى مهندس بمعنى كلمة مهندس بعيد عن الروتين ممبدع وغنى وبتحكم فى جزء كبير من العالم إقتصادياً

cindrella كتب:: اوصف الحياة فى كلمتين؟؟؟؟؟
نفس السؤال ده جاوبته قبل كده وقولت إن الحياة مكسب وخسارة
بس هقول حاجة تانية هقول أفراح وأحزان وكله لازم يمر بالاتنين وساعة الفرح يفرح بجد وساعة الزعل يصبر ويعرف إن الزعل بيجى بعديه فرح

ايه اكتر آية او سورة فى القرآن بتحب تسمعها او تقراها؟؟؟؟؟؟؟
أيه فى سورة المؤمنون بحبها أوى
بتقول
بسم الله الرحمن الرحيم
" قال كم لبثتُم فى الارضِ عددَ سنينَ ــــ قالوا لبثنا يوماً أو بعضَ يومٍ فسأل العاديين _ قال إن لبثتم إلا قليلاً لو أنكم كنت تعلمون __ أفحسبتم أنما خلقناكم عبثاً وأنكم إلينا لا تُرجعون _ فتعالى اللهُ الملكُ الحق لا إله إلا هو ربُ العرشِ الكريم__ ومن يدعُ مع الله إلاهاً ءاخر لا برهان له به فإنما حسابه عند ربه إن لا يفلح الكافرون_ وقل ربى إغفر وأرحم وأنت خيرُ الراحميين"

متى تعطى ثقتك لشخص؟؟؟منذ اول لقاء؟؟؟ام تعتقد ان هذا الموضوع يحتاج الى تروى اكتر؟؟؟؟؟
الموضع ده بالذات عايز تروى كتييييييييييييييييييييييييييييير أوى ده وجهة نظرى
أنا مش بثق فى حد بسهولة

ايه الفرق بين الصداقة والزمالة؟؟؟؟؟؟؟
الزمالة : شخص حكم عليك المكان اللى إنت فيه إنك تكون معاه
علشان كده تكلمه
لكن الصداقة : هو إنك بتختار أخ ليك علشان تديله ثقتك

مين اكتر معيد بتحبه السنة دى وليه؟؟؟؟؟
بشمهندسة أسماء
حسيت إنها فاهمة وبتشرح اللى عندها كله

هل الحياة معادلة صعبة فى وجهة نظرك؟؟؟؟؟؟؟؟؟
الحياة صعوبتها فى فهمها
يعنى زى مسألة فيها رغى كتييييييييييييييييييييييييييييير وفى الاخر الحل مدهولك وسط الرغى والحل كله سطر ويكملش كمان

موقف حصل لك واتعلمت منه درس؟؟؟؟وايه الدرس ده؟؟؟؟؟؟؟
موقف حصلى إنى كنت بتكلم مع صديق ليا قبل كده وكنت بحسبه مش بينقل كلام
بس إكتشفت إنه بيكلم فى الكلام اللى حكتهوله كأنه موضوع حوار هو أصلاً كلام كان عادى
بس إن هو ينقله حاجة تدايق
ومش ده السبب إنى مش بثق فى حد بسهولة لكن ده طبعى من زمان
ممكن أنا أكون غلط علشان إديته جزء من الثقة بس أنا برضه مكلمتوش فى حاجة شخصية أوى
علشان عامل حساب كده

نكتفى بهذا القدر

colopaly كتب:

cindrella كتب:: ايه اكتر آية او سورة فى القرآن بتحب تسمعها او تقراها؟؟؟؟؟؟؟
أيه فى سورة المؤمنون بحبها أوى
بتقول
بسم الله الرحمن الرحيم
" قال كم لبثتُم فى الارضِ عددَ سنينَ ــــ قالوا لبثنا يوماً أو بعضَ يومٍ فسأل العاديين _ قال إن لبثتم إلا قليلاً لو أنكم كنت تعلمون __ أفحسبتم أنما خلقناكم عبثاً وأنكم إلينا لا تُرجعون _ فتعالى اللهُ الملكُ الحق لا إله إلا هو ربُ العرشِ الكريم__ ومن يدعُ مع الله إلاهاً ءاخر لا برهان له به فإنما حسابه عند ربه إن لا يفلح الكافرون_ وقل ربى إغفر وأرحم وأنت خيرُ الراحميين"

كده مش آيه يا كولوبالي كده كذا آيه
اختار الصوره كلها وريحنا
ابقي اقري السؤال كله
ماشي

والله العظيم كنت عارف إنك هتعلق على الكلمة

وكنت هغيرها وقولت لأ خليه يعلق براحته

علشان إنت بس أخويا يا بسام

بس لو سمعت صوتك تانى هحولك لزائر للمنتدى ده

colopaly كتب:: والله العظيم كنت عارف إنك هتعلق على الكلمة

وكنت هغيرها وقولت لأ خليه يعلق براحته

علشان إنت بس أخويا يا بسام
تسلم يا حبيبي وانت اكتر من أخ والله يا ابني

بس لو سمعت صوتك تانى هحولك لزائر للمنتدى ده
لالالالالالالالالالا
سـمـــــــــــــــــــــــــــــــــــــــــاح
يا اهل السمــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاح

أيه يا جماعة أسئلة البشر خلصت ولا أيه

أنا قاعد عطلان بقالى كتيييييييييييييير

مفيش أسئلة تانى؟؟؟؟؟؟؟؟؟؟؟؟؟؟؟؟؟؟؟؟؟؟؟

لالالالالالالالالالالالالالالالالالالا

نرجع تاني

1. ايه رأيك في الحكومه ؟ تحب يحصل تعديل وزاري ولا لأ
2. لو قالوا ليك اختار رئيس جمهوريه جديد هتختار مين وبالمره الوزاره ؟
3.هتعمل ايه لو بقيت رئيس الجمهوريه ، رئيس الجامعه ، عميد هندسه ؟
4. هتعمل ايه لو نمت يوم وصحيت بصيت وشفوت نفسك في المرايه واحد تاني غير اللي انت تعرفه ؟
5. كان في سؤال معاك 3 وردات جاوبت لمامتك ولحبيبتك ولام حبيبتك مش ناوي تدي حاجه لبباها؟ ( انا بهدي النفوس يس )
6. لو اللي بتحبها لها اخوات بنات وبدأت تغير عليك من أخواتها دول هيكون تصرفك ايه ؟
7. السؤال ده انا عاوز اعرف اجابته في فرحك ان شاء الله هتلبس النضاره ولا من غيرها ؟؟

كفايه 7

semsem_eng2007 كتب:: لالالالالالالالالالالالالالالالالالالا

نرجع تاني

1. ايه رأيك في الحكومه ؟ تحب يحصل تعديل وزاري ولا لأ
أنا بقول خلصت أحسن
أجاوب وأمرى لله
الحكومة وحشة من الاخر ولازم يكون فى تعديل وزارى
2. لو قالوا ليك اختار رئيس جمهوريه جديد هتختار مين وبالمره الوزاره ؟
حالياً هختار حسنى مبارك لإنك معندكش إختيارات كتييييييير
الوزارة بقى هغيرها كلها وأجيب ناس بتخاف على البلد
3.هتعمل ايه لو بقيت رئيس الجمهوريه ، رئيس الجامعه ، عميد هندسه ؟
رئيس الجمهورية هحاول أصلح التعليم وأقلل من المشكلة الاقتصادية وأحجم السفه وقلة الادب
رئيس الجامعة هحاول أخلى البحث العلمى شئ أساسى فى التعليم مع وجود حافز لده وأجدد المعامل كلها بدل الهبل اللى إحنا فيه
عميد هندسة هرفد بتوع رعاية الشباب كلهم وأجيب ناس أحسن وأعمل يوم على الاقل سنوى للمهندسيين المتخرجين علشان الطلبة تستفيد منهم وأهتم بالنشاط العلمى شوية
4. هتعمل ايه لو نمت يوم وصحيت بصيت وشفوت نفسك في المرايه واحد تاني غير اللي انت تعرفه ؟
هدور على نفسى وهوصلى حتى لو عارف إنى ممكن أموت
5. كان في سؤال معاك 3 وردات جاوبت لمامتك ولحبيبتك ولام حبيبتك مش ناوي تدي حاجه لبباها؟ ( انا بهدي النفوس يس )
منك لله يا بسام هتلى كام وردة كمان وأنا أديها لوالدها ولولدى ولكل حد
6. لو اللي بتحبها لها اخوات بنات وبدأت تغير عليك من أخواتها دول هيكون تصرفك ايه ؟
أكيد هحترمها وهحاول أفهمها إن إخواتها هما إخواتى
7. السؤال ده انا عاوز اعرف اجابته في فرحك ان شاء الله هتلبس النضاره ولا من غيرها ؟؟
والله يا بسام ممكن وممكن لأ ممكن أعمل عدسات ساعتها
إنت أيه رأيك ألبسها ولا لأ

كفايه 7

colopaly كتب:

semsem_eng2007 كتب:: 2. لو قالوا ليك اختار رئيس جمهوريه جديد هتختار مين وبالمره الوزاره ؟
حالياً هختار حسنى مبارك لإنك معندكش إختيارات كتييييييير

انا شايف ان ممكن عمرو موسي لو بقي الريس ممكن يقدر يعمل حاجه

5. كان في سؤال معاك 3 وردات جاوبت لمامتك ولحبيبتك ولام حبيبتك مش ناوي تدي حاجه لبباها؟ ( انا بهدي النفوس يس )
منك لله يا بسام هتلى كام وردة كمان وأنا أديها لوالدها ولولدى ولكل حد

الورد كتير بس مش تنساني بواحده منهم

6. لو اللي بتحبها لها اخوات بنات وبدأت تغير عليك من أخواتها دول هيكون تصرفك ايه ؟
أكيد هحترمها وهحاول أفهمها إن إخواتها هما إخواتى

7. السؤال ده انا عاوز اعرف اجابته في فرحك ان شاء الله هتلبس النضاره ولا من غيرها ؟؟
والله يا بسام ممكن وممكن لأ ممكن أعمل عدسات ساعتها
إنت أيه رأيك ألبسها ولا لأ

خليك لابسها احسن ده رأيي
بس طبعا مش رأيي انا المهم قوي

كفايه 7

اولا سؤال محرج بقى
ايه سر المواضيع الرومانسيه الفظييييييييييييييييييعه الىا نت عمال تكتبها على المنتدى دى مااتعودناش منك يا كولوبالى على الكلام الكبير ده ......ياريت توضح للجمهور الى عايز يعرف
ثانيا
عايزه اعرف لو واحده مثلا يعنى مثلا انت بتحبها وطلبت منك طلب ورفضته بعنف ومش راضيه تغير رايها ومقتنعه بيه هتعمل ايه مع العلم انك برده مش هتغير رايك
ثالثا
انت شايف ايه اكتر صفه بجد لو لاقيتها فى انسان ممكن تستحمل كل عيوبه عشان الصفه دى سواء صديق او زميل او حبيب كده يعنى
كفايه تلاته عشان زهقت هكمل بعدين وبعدين ماهو بسام قايم بالواجب ربنا يخليك لينا يا بسام ولاتصالات
كولوبالى لازم تجاوب على التلات اسئله مفهووووووووووووووووووم hdkhjsg

nadoooo كتب:: اولا سؤال محرج بقى
ايه سر المواضيع الرومانسيه الفظييييييييييييييييييعه الىا نت عمال تكتبها على المنتدى دى مااتعودناش منك يا كولوبالى على الكلام الكبير ده ......ياريت توضح للجمهور الى عايز يعرف

لازم تجاوب يا كولوبالي

كفايه تلاته عشان زهقت هكمل بعدين وبعدين ماهو بسام قايم بالواجب ربنا يخليك لينا يا بسام ولاتصالات

ربنا يخليني ليكم يا رب
كولوبالى لازم تجاوب على التلات اسئله مفهووووووووووووووووووم

اسمع الكلام يا ولد

nadoooo كتب:: اولا سؤال محرج بقى
هو إنتى تبقى ندى لو مسألتيش أسئلة محرجة
ايه سر المواضيع الرومانسيه الفظييييييييييييييييييعه الىا نت عمال تكتبها على المنتدى دى مااتعودناش منك يا كولوبالى على الكلام الكبير ده ......ياريت توضح للجمهور الى عايز يعرف
سبب الرومانسية الفظييييييييييعة يا لوكلوك إنى حبييييييييييييييييييييت أحلى حد فى الدنيا ده كلها وحبيبى يستاهل أكتر من كده كمان علشان هو أحلى إنسان بحبه هو وما أحبش حد غيره علشانه أروح فى أى مكان ونظره منه تكفينى كمان ما أقدرش على بعده ولا أقدر أزعله ولو غاب ثانية يوحشنى
حاجة تانى يا رغاية
ثانيا
عايزه اعرف لو واحده مثلا يعنى مثلا انت بتحبها وطلبت منك طلب ورفضته بعنف ومش راضيه تغير رايها ومقتنعه بيه هتعمل ايه مع العلم انك برده مش هتغير رايك
مفيش حاجة إسمها رفضته بعنف فى حاجة إسمها حوار ونقاش ولو أنا رفضت حاجة وهى أسرت عليها أظن إن ده هتبقى نقطة مش كويسة معاها أنا صريح وبحب الصراحة
بس أنا متأكد إن اللى بحبه مش هيزعلنى وأنا مش هزعله أبداً
ثالثا
انت شايف ايه اكتر صفه بجد لو لاقيتها فى انسان ممكن تستحمل كل عيوبه عشان الصفه دى سواء صديق او زميل او حبيب كده يعنى
أكتر صفات الاخلاق والتلقائية وإنه يكون بيحبنى زى ما أنا بحبه
كفايه تلاته عشان زهقت هكمل بعدين وبعدين ماهو بسام قايم بالواجب ربنا يخليك لينا يا بسام ولاتصالات
منك لله يا بسام وإنتى كمان يا ندى بالمرة
كولوبالى لازم تجاوب على التلات اسئله مفهووووووووووووووووووم
جاوبت أهو مش عايز أسمع صوتك تانى

لا لا ياكولوبالى مكنتش اعرف انك شاعر لا لا بجد انت تقدم فى مسابقه الشعر انت موهوب يابنى سيبك من الهندسه وخليك فى الشعر ...... اعتقد ان ده برده ممكن ممكن يكون راى ناس تانيه hkjhks

nadoooo كتب:: لا لا ياكولوبالى مكنتش اعرف انك شاعر لا لا بجد انت تقدم فى مسابقه الشعر انت موهوب يابنى سيبك من الهندسه وخليك فى الشعر ...... اعتقد ان ده برده ممكن ممكن يكون راى ناس تانيه

هههههههههههههههههه
انت مش كنت شاعر قلبيت قط دلوقتى
معلش يا كولوبالى يا خساره الرجاله
ههههههههههههههههههههههههه

nadoooooooooooooooo zxvxcvzv

nadoooo كتب:: هههههههههههههههههه
انت مش كنت شاعر قلبيت قط دلوقتى
معلش يا كولوبالى يا خساره الرجاله
ههههههههههههههههههههههههه

قط !!!!!!!!

طيب يا فار لو شفتك هقطعك

هههههههههههههههههههههه ده انت واضح انك محبوب اوىهههههههههههههه

انا مش فار انا ندى هىهىهىهى خلاص يا كولوبالى كفايه عليك كده عشان صعبت عليا

على فكرة يا كولوبالي اللي بيحصل ده كله مش في مصلحتك

اكتم بقى شكلك بقى وحش أوي

hksjdsjh

ولا يهمك يا أحمد سباعيه جديده اهي

ياترى حبيبتك دي قدك ولا اصغر ؟
ياترى انت ايه اللي شدك ليها اول حاجه واشمعنى هي؟
ياترى لو فجأه لقيتها مش بتحبك او حصلت ظروف فرقتكم ( بعد الشر ) وهي استسلمت ومدافعتش عن حبكم هتتصرف ازاي ؟
ياترى انت واثق في اختيارك؟
ولو واثق جدا كده هتفرحنا فيك امتك ؟
وشايف حياتكم ازاي مع بعض؟
واخيرا لو لقيت واحده من اخواتك بتحب واحد وعرفت صدفه ومش قايله لكم في البيت ومرتبطه بيه هتتصرف معاها ازاي ولو جات قالت لك برضه هتتصرف ازاي؟

soma كتب:: nadoooooooooooooooo

جرى أيه بقى هو أنا أخلص من واحدة تطلع التانية

يا رجال العالم إتحدوا

جاوب بقى يا كولوبالى ههههههههههههههه فرحانه فيك hkjhks

sara mostafa كتب:: ولا يهمك يا أحمد سباعيه جديده اهي

ياترى حبيبتك دي قدك ولا اصغر ؟
قدى
ياترى انت ايه اللي شدك ليها اول حاجه واشمعنى هي؟
أخلاقها وكل حاجة فيها حلوة وإشمعنى هى إسألى قلبى
هو اللى قالى عليها
ياترى لو فجأه لقيتها مش بتحبك او حصلت ظروف فرقتكم ( بعد الشر ) وهي استسلمت ومدافعتش عن حبكم هتتصرف ازاي ؟
ليه السؤال المحرج ده لو هى إستسلمت يبقى مش بتحبنى وأنا بحب اللى بحبه يحبنى وإلا ........
بعد الشر طبعاً
ياترى انت واثق في اختيارك؟
مليون أو تريليون فى المية أو أكتر كمان
ولو واثق جدا كده هتفرحنا فيك امتك ؟
هتفرحوا ليا مش فيا وقريب إن شاء الله
وشايف حياتكم ازاي مع بعض؟
إن شاء الله تبقى حلوة جداً ما دام فى حب
واخيرا لو لقيت واحده من اخواتك بتحب واحد وعرفت صدفه ومش قايله لكم في البيت ومرتبطه بيه هتتصرف معاها ازاي ولو جات قالت لك برضه هتتصرف ازاي؟
لو مش قايلالى ممكن أزعلها شوية بس براحة علشان متعندش معايا يعنى أفهمها إنى لازم أعرف
ولو كانت قايلالى هشوف الولد ده يستاهل ولا لأ